Hrafnhildur Einarsdóttir og Martina Francone sýna verkið sitt Aukelien/Two minus one í Florence
Hrafnhildur Einarsdóttir sýnir verkið Aukelien/Two minus one í samvinnu við danslistakonuna Martina Francone á listahátíðinni Notte Bianca í Florence næstkomandi laugardag 30. apríl. Áður hafa þær sýnt verkið í London og Utrecht, en í þetta skiptið tekur verkið á sig nýja mynd með samtvinnun í teikningar frá listamanninum Tony Thatcher.
laugardagur, 30. apríl 2011
AMPERE
Rafmagnað dansverk sýnt í gömlu Rafstöðinni Elliðaárdal, laugardaginn 30.apríl kl.16:30 og kl.18:00.
Danshöfundur: Irma Gunnarsdóttir, höfundar tónlistar: Kristinn Evertsson og Örn Eldjárn, dansarar: Arna Sif Gunnarsdóttir, Arndís Benediktsdóttir, Gerður Guðjónsdóttir og Una Björg Bjarnadóttir.
Níu dansstuttmyndir í Bíó Paradís
Í tilefni Alþjóðadegi dansins stendur Bíó paradís í samstarfi við Félag íslenskra listdansara fyrir sannkallaðri veisludagskrá íslenskra dansstuttmynda þann 29. apríl n.k. Hér eru í fyrsta sinn sýndar á einum stað þær dansstuttmyndir íslenskra listamanna sem notið hafa mestrar athygli og hvatningar á alþjóðlegum vettvangi á síðustu árum.
Hún hafði sannarlega áhrif
Isadora Duncan, frumkvöðull í nútímadansi, er viðfangsefni Erlu Tryggvadóttur í þættinum "Þær höfðu áhrif" sem fluttur verður á Alþjóða dansdaginn 29. apríl á RÁS 1 kl. 15:25. Í þáttunum er fjallað um áhrifamiklar konur sem mótuðu samtímann á öldinni sem leið, konur sem voru ýmist dýrkaðar og dáðar - eða umdeildar. Allar höfðu þær það þó sameiginlegt að eiga sinn sess í sögu síðustu aldar.
– Alþjóðlegi dansdagurinn, 29. apríl –
Næstkomandi föstudag verður alþjóðlegi dansdagurinn haldinn hátíðlegur víða um heim og hérna á Íslandi verður ýmislegt í boði fyrir dansáhugafólk.
FÍLD stendur fyrir margvíslegum uppákomum :)
Frank Fannar dansar í Barcelona
Danslistamaðurinn Frank Fannar Pedersen frumsýndi fyrr í aprílmánuði verkin Sechs Tanze eftir Jiri Kylián og Minus 16 eftir Ohad Naharin með IT dansa í Barcelona. Frank hefur verið dansari við flokkinn í á annað ár og dansað í fjölmörgum uppsetningum hans.
Fjórtán arkítektar teikna Danshús í Reykjavík
Í Listasafni Reykjavíkur, Hafnarhúsi má í nú líta teikningar og módel af 14 glæsilegum Danshúsum sem staðsett hafa verið á Skólavörðuholtinu í miðborg Reykjavíkur. Danshúsin eru útskriftarverkefni nemenda úr arkitektúrdeild Listaháskóla Íslands og unnin í samstarfi við Samtök um Danshús í Reykjavík. Stendur sýningin yfir til 8. maí n.k.
Hvert örstutt spor á RÚV um páskana
Tveir útvarpsþættir um listdans verða á Rás 1 yfir páskana og kallast þeir "Hvert örstutt spor". Fyrri þátturinn er um sögu listdansins á Íslandi og verður fluttur á skírdag og sá seinni verður fluttur á annan í páksum og er opin veisla þar sem rætt verður um dans í hverju herbergi. Innilegar sögur, ótrúlegar reddingar, heimspeki, heimilisdansar og flipp þar á milli.
Hrafnhildur sýnir verk sitt í Barbican Centre
Listamaðurinn Hrafnhildur Benediktsdóttir mun næstkomandi Laugardag, 23. apríl, sýna verk sitt „Preparation Decoration“ á SPILL performanslista-tvíæringnum, í Barbican Centre í London. SPILL hátíðin er vettvangur framsækinnar og tilraunakenndar performanslistar í Bretlandi
Tíu dansverk á Listahátíð í Reykjavík 2011
Dansinn mun duna á Listahátíð í Reykjavík í maí en níu dansverk verða sýnd á hátíðinni auk þess sem 70 dansnemar taka þátt verki fjöllistahópsins la Fura dels Baus frá Spáni. Mikil gróska og uppgangur hefur verið í danslistinni og stígur Hrefna Haraldsdóttir listrænn stjórnandi hátíðarinnar hér stórt skref með þessari áherslu en þetta er í fyrsta sinn sem slíkur fjöldi dansverka er sýndur á hátíðinni.
INNTÖKUPRÓF 30.APRÍL 2011 LÍ
Listdansskóli Íslands heldur inntökupróf laugardaginn 30.apríl í húsnæði skólans að Engjateigi 1, fyrir bæði grunnskóladeild og framhaldsdeild. Þeir sem eru að sækja um í grunnskóladeild mæta klukkan 11-13 og svo er framhaldsdeildarprófið klukkan 14-16. Allar nánari upplýsingar og rafræn skráning á listdans.is
Margrét Sara Guðjónsdóttir dansar í Pompidou í París
Margét Sara Guðjónsdóttir dansari dansar aðalhlutverkið í nýjasta verki Gisele Vienne og Dennis Cooper tittluðu “This is how you will disappear”. Verkið var frumsýnt síðasliðið sumar á Festival D´Avignon, stærstu og virtustu leik og danslistarhátið í Evrópu.
"The Bad The Good The Ugly"
Halla Ólafsdóttir danslistamaður frumsýndi þann 13. apríl s.l. verk Dorte Olesen "The Bad The Good The Ugly" í Moderna Dansteatern í Stokkhólmi. Þetta er annað verkið sem Halla dansar í hjá Olesen en í október frumsýndi hún verkið Orena tankar með sama höfundi. Sýningarnar á The Bad The Good The Ugly verða samtals fjórar eða út þessa vikuna á stóra sviði leikhússins.
Nútímasirkusdans á Ísafirði
Finnska sirkuslistakonan Marjukka Erälinna heldur námskeið í nútímasirkusdansi helgina 15.-17. apríl. Þá verður hún stödd á Ísafirði að vinna að samstarfsverkefni ásamt, hljóðmanninum Tommi Hinkkanen og danslistakonunni Hennu-Riikku Nurmi sem einnig er kennari í Listaskóla Rögnvaldar. Er námskeiðið liður í verkefni sem kallast Find Ice
Dansstuttmyndin Between fær erlendan dreifingaraðila
María Þórdís Ólafsdóttir skrifaði nýverið undir dreifingarsamning við International Music + Media Centre í Austurríki sem tekið hefur að sér dreifingu á dansstuttmyndinni Between á danshátíðar, kvikmyndahús og viðburði í Evrópu og víðar undir formerkjum DanceScreen.
"Þá skal ég muna þér kinnhestinn" sýnt í Norðurpólnum
Dansfélagið Krummi hefur ákveðið að efna til örfárra aukasýninga á “Þá skal ég muna þér Kinnhestinn” 16. 20. og 21. apríl í leikhúsinu Norðurpólnum á Seltjarnarnesi.
Verkið er innblásið af kvenskörungum Íslendingasagnanna. Þjóðsögur og samband manns við náttúruna fléttast saman við íslenskar klisjur sem tengjast kvenhetjum.
"Meeting Valery Smith" í Grandagarði
"Welcome to the Greenhouse" er nýtt dansverk sem frumsýnt var á Sequences - realtime art festival, í Grandagarði laugardaginn 9. apríl s.l. Það voru dans- og myndlistakonan Sunneva Ása Weisshappel og myndlistakonan Una Björk Sigurðardóttir sem undir nafni "Meeting Valery Smith" stóðu að sýningunni en auk þess dansaði í henni Bergþóra Einarsdóttir danslistakona.
Verk Margrétar Söru Guðjónsdóttur á Spring Dance Festivalinu í Hollandi
Verkið „Soft Target“ eftir Margréti Söru Guðjónsdóttur/Panic Productions sem frumsýnt var í Listasafni Reykjavíkur á Reykjavík Dans festival á síðasta ári, mun verða sýnt á hinu alþjóðlega dans festivali Spring Dance í Utrecht í Hollandi í apríl. Mikill heiður þykir að sýna verk á festivalinu og munu sýningarnar fara fram þann 16. og 17. apríl.
Vorsýning Listdansskólans
Vorsýning Listdansskólans verður haldin 12.apríl næstkomandi í Þjóðleikhúsinu - sýningarnar verða tvær, sú fyrri klukkan 17:30 og sú seinni klukkan 20
Efnisskrá sýningarinnar er fjölbreytt og vönduð að vanda og ber yfirskriftina INN Í SÓLINA þar sem m.a. rómantíkin svífur yfir vötnum í verkunum.
Íslenski dansflokkurinn sýnir á virtum danshátíðum í Þýskalandi og Austurríki
Íslenski dansflokkurinn aftur á faraldsfæti
Flokknum hefur verið boðið að sýna tvö verk á virtum danshátíðum í Þýskalandi og Austurríki
Íd tekur einnig þátt í stórum dansviðburði þar sem fimm dansflokkar stíga saman á svið og flytja frumsamið verk samið af dönsurum flokkanna
Kall eftir nýjum félögum og vildarvinum
Samtök um danshús halda aðalfund þann 11. apríl næstkomandi.
Á fundinum verða samþykktir inn nýjir félagar fyrir árið 2011.
Radical Wrong á sýningarferðalagi
Melkorka Sigríður Magnúsdóttir dansar í verki Wim Vandekeybus, Radical Wrong um þessar mundir.
Verkið er nú í sýningarferðalagi í Belgíu og Hollandi fram í maí en verður svo tekið upp aftur í byrjun árs 2012.
Radical Wrong og er innblásið af hugarheimi og áhugamálum ungs fólks í dag, menningu, nýmiðlun, tónlist, húmor, fysík o.s.frv.
Klassíski listdansskólinn sýnir fyrir styrktarsöfnuð í vertargarðinum 9. apríl
Á laugardaginn 9. apríl stendur til að halda styrktarsöfnun í Vetrargarðinum í Smáralindinni fyrir fórnarlömb jarðskjálftans og tsúnamíns í Japan.
Fjöldi frábærra hljómsveita kemur fram og einnig verður á staðnum markaður og fleira skemmtilegt. Allur ágóði rennur til söfnunar Rauða Kross Íslands til styrktar hjálparstarfi í Japan
Gaga tækni í Dansverkstæðinu
Gaga tækni verður kennd í Dansverkstæðinu næstu tvær vikurnar. Það er dansarinn og danshöfundurinn Shi Pratt sem leiðir tímann.
Tímarnir eru á mánudögum, miðvikudögum og fimmtudögum frá 9:00-10:30 og kostar einungis 1000 kr í hvern tíma.
Retrograde Menningarfélagsins með á Dance Screen on Tour
Dansmyndin Retrograde er meðal kvikmynda sem sýndar verða víðs vegar um Evrópu og Norður-Ameríku í verkefninu Dance Screen on Tour. Verkefnið hefur það að markmiði að auka sýnileika dansmynda og stuðla að því að fleiri fái að kynnast þessu vaxandi listformi.
Kári dansar í verkum Jiri Kylián í Osló
Kári Freyr Björnsson dansar í tveimur af þremur verkum Jiri Kylián í sérstöku heiðursprógrammi norska þjóðarballettsins. Verk Tékkans Kylián er oftar en ekki lýst sem töfrandi, dularfullum og ægifögrum og óhætt er að segja að hann hafi sett mark sitt á þróun listdansins á níunda og tíunda áratug síðustu aldar.
Bristol Ninja Cava Crew frumflytur "Helvítis ostapinnar"
Annar gjörningur Bristol Ninja Cava Crew verður frumfluttur í útgerðinni þann 2. apríl n.k. Verkið sem ber titilinn Helvítis Ostapinnar er partur af röð gjörninga á Sequences sjónlistarhátíðinni en alls verða 8 verk/gjörningar fluttir milli 14-18 nú laugardaginn 2 apríl á Grandagarði 16 (Útgerðinni, Bakkaskemmu).
Barrokkdansar Lúðvíks XIV í "akksjón"
Laugardaginn 2. apríl n.k. mun Ingibjörg Björnsdóttir danslistamaður fjalla í fyrirlestri um dansa barokktímabilsins með sérstöku tilliti til hirðdansleikja Lúðvíks fjórtánda konungs Frakka. Eftir umfjöllunina gefst gestum tækifæri til þess að reyna sig í Menúett, Gavottu, Bourrée eða Pavan. Það er Íslenska dansfræðafélagið sem að viðburðinum stendur.
Frumsýning í Tjarnarbíói
Dansflokkarnir Darí Darí dance company og Steinunn og Brian sameina krafta sína og efla til danshátíðar þar sem áhorfendum gefst kostur á að sjá tvær sýningar sama kvöldið. Dansverkið Gibbla verður sýnt klukkan 20:00 og Steinunn and Brian DO Art; How to be Original kl. 21:00.