AFTER THE RAIN, I SAW YOU

Er maður hræddur við gagnrýni ókunnugra? Hví lítum við ósjálfrátt undan þegar við mætum augliti ókunnugs fólks? Íslandsfrumsýningin á dansmyndinni AFTER THE RAIN, I SAW YOU eftir Hrafnhildi Einarsdóttur verður á Reykjavík Dance Festival þann 2. september næstkomandi. Verkið verður sýnt klukkan 20:00 í Hafnarhúsinu en meðan á Reykjavík Dance Festival stendur verður einnig hægt að sjá dansmyndina á hefðbundnum opnunartíma Hafnarhússins.

Hrafnhildur Einarsdóttir er sjálfstætt starfandi danslistamaður og listrænn stjórnandi Raven productions. Útskrifaðist með BA gráðu í dance theatre úr Laban í London, vorið 2009. Síðustu ár hefur Hrafnhildur unnið jafnt sem dansari og sviðslistamaður í verkum eftir aðra höfunda en einnig samið og sett á svið eigin verk, þar sem hún hefur nýlega byrjað að fara ólíkar leiðir í að semja með því að blanda dansvinnu sinni saman við videovinnu og eigin hljóðskor. Sumarið 2009 hlaut Hrafnhildur styrk til að taka þátt í DanceWEB scholarship program á ImpulsTanz danshátíðinni í Vínarborg, Austuríki, sama ár fékk hún verðlaun sem framúrskarandi listnemi í Kópavogi. Haustið 2009 samdi Hrafnhildur og sýndi í samvinnuverkefni með Danskonstkollektivet Sch!! Í Stokkhólmi, Svíþjóð og Stavanger, Noregi. Hún vinnur nú á Íslandi með Raven Productions og með dans smíða hópi sem er með aðsetur sitt í London og hafa sýnt verk sín í Englandi, Hollandi og Frakklandi. Hrafnhildur er einnig partur af alþjóðlegu sviðslistasamtökunum Meetoo Moving Arts Network.

Frekari upplýsingar: www.raven.is
www.meetooman.net

Leikstjóri, myndartaka og klipping: Hrafnhildur Einarsdóttir

Dansarar/samstarfsaðilar: Irene Cena og Wiebke Schuster

Tónlist/hljóð: Lucas Acuna og Hrafnhildur Einarsdóttir

Tæknileg aðstoð: Sigurður Helgason

Reykjavík Dance Festival verður haldið dagana 1.-5. september. Dagskrá hátíðarinnar hefur sjaldan verið glæsilegri þar sem boðið verður upp á bæði innlend sem og erlend dansverk. Níu verk verða sýnd á hátíðinni, í öllum tilfellum er um frumflutning á Íslandi að ræða og þar af 5 frumsýningar á nýjum íslenskum verkum. Það er því sannkölluð dansveisla í vændum sem enginn má láta fram hjá sér fara. Hægt er að kaupa hátíðarpassa sem gildir á alla viðburði eða miða á einstakar sýningar. Allar nánari upplýsingar má finna á heimasíðu hátíðarinnar á www.dancefestival.is eða í miðasölusíma: 857-7455.