Reykjavík Dance Festival 2010

Reykjavík Dance Festival kallar eftir umsóknum fyrir Reykjavík Dance Festival 2010

• Leitað er eftir dansverkum. Lengd 15 – 40 mínútur
• Hugmyndum að dansgöngum í miðborginni eða úthverfum
• Hugmyndum um innslag í dansgöngur, staðsértæka gjörninga

Enn er óráðið hvar hátíðin í ár verður haldin en fyrirhugað er að hún verði haldin 1. – 5. september.

Óvíst er hvort eða hversu mikinn fjárhagslegan stuðning hátíðin getur veitt í ár og eru umsækjendur því vinsamlegast beðnir um að tilgreina ef verkefnið hefur þegar hlotið styrk.

Erlendum gestum (prómóterum) verður boðið á hátíðina í ár líkt og fyrri ár.

Vinsamlegast sendið umsókn á reykjavik_dancefestival@hotmail.com fyrir 31. mars nk.

 Eftirfarandi þarf að koma fram í umsókninni

• Lýsing á verkinu (hámark 1 bls)
• Verk og tímaáætlun
• Lengd
• Tæknileg umgjörð (taka skal fram ef verkið þarfnast sérstakrar tækni, ljós, „live“ tónlist, video, eða annað slíkt)
• CV umsækjanda og annarra þátttakenda

Óháð valnefnd á vegum hátíðarinnar mun velja verk á hátíðina. Öllum umsóknum verður svarað.

Nánari upplýsingar veitir Steinunn Ketilsdóttir í síma 862 6023.

Reykjavík Dance Festival hóf göngu sína árið 2002 og hefur verið gífurleg lyftistöng fyrir þróun og nýsköpun innan listdansins. Á henni stíga fram kynslóðir danshöfunda sem sýna það ferskasta sem nútímadans á Íslandi hefur fram að færa hverju sinni. Reykjavík Dance Festival er mikilvægur hlekkur fyrir listformið og hefur skapað sér fastan sess í menningarlífi borgarinnar.