Low eftir Björk Viggósdóttur og Sigríði Soffíu Níelsdóttur sýnt á Sequneces í Listasafni Íslands.

Verkið "Low" eftir Björk Viggósdóttur myndlistarmann og Sigríði Soffíu Níelsdóttur danshöfund verður sýnt þann 2 nóvember kl 18:00 í Listasafni Íslands.

Einungis þessi eina sýning verður á verkinu en það er partur af Sequences sjónlistahátíðinni.

Í verkinu dansa Hjörtur Jóhann Jónsson annars árs leikaranemi frá Listaháskóla íslands og Sigríður Soffía dansari í innsetningu Bjarkar Viggósdóttur.

Aðgangur er ókeypis.

Í verkinu er unnið með sambræðslu myndlistar og dans en hreyfingar verksins eru unnar út frá völdum erindum úr

Helgakviðu Hundingsbana.

Nánari upplýsingar um verkið má finna á http://sequences.is/?page_id=1766

eða á http://siggasoffia.wordpress.com/

1.

Fyrr vil eg kyssa

konung ólifðan

en þú blóðugri

brynju kastir.

Hár er þitt, Helgi,

hélu þrungið,

allur er vísi

valdögg sleginn,

hendur úrsvalar

Högna mági.

Hve skal eg þér, buðlungur,

þess bót um vinna?"

Helgi kvað:

2.

"Ein veldur þú, Sigrún

frá Sefafjöllum,

er Helgi er

harmdögg sleginn;

grætur þú, gullvarið,

grimmum tárum,

sólbjört, suðræn,

áður sofa gangir.

Hvert fellur blóðugt

á brjóst grami,

úrsvalt, innfjálgt,

ekka þrungið.

3.

Vel skulum drekka

dýrar veigar,

þótt misst hafim

munar og landa!

Skal engi maður

angurljóð kveða

þótt mér á brjósti

benjar líti.

Nú eru brúðir

byrgðar í haugi,

lofða dísir

hjá oss liðnum."

Sigrún bjó sæng í hauginum.

4.

"Hér hefi eg þér, Helgi,

hvílu görva

angurlausa mjög,

ylfinga niður.

Vil eg þér í faðmi,

fylkir, sofna

sem eg lofðungi

lifnum myndag.